واشنگٹن(ویب ڈیسک) امریکی وزیر خارجہ انٹونی بلنکن نے 77ویں یوم آزادی کے موقع پر تمام پاکستانیوں کو مبارکباد دیتے ہوئے کہا ہے کہ پاکستان اور امریکا کے درمیان شراکت داری مزید گہری ہوگی۔
پاکستان کے یوم آزادی کے موقع پر اپنے پیغام میں اینٹونی بلنکن نے کہا کہ گزشتہ 77 سالوں سے ہمارے پاک امریکا تعلقات دو طرفہ تعلقات کی بنیاد رہے ہیں۔ اینٹونی بلنکن نے کہا کہ پاکستان اور امریکہ کے درمیان شراکت داری آنے والے سالوں میں مزید گہری ہو گی اور دونوں ممالک کے عوام کے درمیان تعلقات کو مزید فروغ ملے گا۔
ان کا مزید کہنا تھا کہ دونوں قومیں زیادہ سے زیادہ خوشحالی کے لیے اقدامات کریں گی، ہم پاکستان سے ایسی شراکت داری چاہتے ہیں جو مزید سیکیورٹی کو یقینی بنائے۔
مزید پڑھیں: یوم آزادی کے موقع پر سکیورٹی کے سخت انتظامات،خصوصی چوکیاں قائم
