تہران (نیوزڈیسک)ایران کے شمالی شہر رشت کے ایک ہسپتال میں آگ بھڑک اٹھی، 9 مریض جاں بحق ہوگئے۔ایران کے سرکاری نشریاتی ادارے ’آئی آر آئی بی‘ کے مطابق گھیم ہسپتال میں آگ مقامی وقت کے مطابق رات ڈیڑھ بجے لگی حکام آگ لگنے کی وجوہات جاننے کے لیے کوششیں کررہے ہیں۔رشت میں واقع گیلان یونیورسٹی آف میڈیکل سائنسز کے صدر محمد تاگی اشوبی کا کہنا تھا کہ ’بدقسمتی سے آگ لگنے کے اس حادثے میں 9 افراد جان کی بازی ہار گئے۔
‘انھوں نے سرکاری ٹی وی کو بتایا کہ ’مرنے والے زیادہ تر مریض ہیں، انہیں انتہائی نگہداشت کے یونٹ میں داخل کرایا گیا تھا۔ رپورٹس کے مطابق ہسپتال میں 250 بستر ہیں اور ان میں سے 142 پر آگ لگنے کے وقت مریض موجود تھے۔گیلان یونیورسٹی آف میڈیکل سائنسز کے سربراہ محمد طغی اشوبی نے منگل کو صحافیوں کو بتایا کہ انتہائی نگہداشت کے یونٹ میں زیر علاج ایک مریض کی موت ہو گئی ہے، جب کہ اس سے قبل آٹھ دیگر ہلاک ہو گئے تھے۔”ان مریضوں کی موت کی وجہ گیلان کے طبی معائنہ کار کی طرف سے تحقیقات کی جا رہی ہے،
بر اساس گزارش های افراد حاضر در محل فاجعه آتشسوزی #بیمارستان_قائم_رشت این آتش سوزی پس از قطع طولانی مدت برق بیمارستان و استفاده از برق اضطراری از موتورخانه شروع شده و بیماران بستری در بخش مراقبتهای ویژه به دلیل خفگی ناشی از نشت دود کشته شدند.#رشت#گیلان pic.twitter.com/iJUfTzGbJB
— Hyrcani Human Rights Media (@HyrcaniHRM) June 18, 2024
سرکاری خبر رساں ایجنسی IRNA نے کہا۔انہوں نے کہا کہ قائم ہسپتال میں موجود پانچ شیر خوار بچوں کو 17 شہریور چلڈرن ہسپتال منتقل کر دیا گیا اور ان کی صحت اچھی ہے۔سرکاری میڈیا نے رپورٹ کیا کہ آگ ہسپتال کے زیرزمین فلور پر ایک کمرے میں شروع ہوئی، جہاں ایمرجنسی پاور جنریٹر موجود تھے۔حکام نے غیر مصدقہ اطلاعات پر کوئی تبصرہ نہیں کیا کہ آگ بجلی کی کٹوتی کے درمیان ہنگامی پاور جنریٹرز کے وسیع استعمال کے بعد لگی ؟؟۔خیال کیا جاتا ہے کہ آگ تقریباً 1:30 بجے (پیر کو 22:00 GMT) پر لگی اور اس کی وجہ کی تحقیقات کی جا رہی ہیں۔
اٹلی ، کشتیوں کے تصادم میں 11 تارکین وطن ہلاک، 60 لاپتہ،26 خواتین اوربچے شامل
