راجکوٹ(نیوز ڈیسک ) بھارت میں گیمنگ زون میں آگ لگنے سے 27 افراد ہلاک اور متعدد زخمی ہوگئے۔ ہلاکتوں میں اضافے کا خدشہ ظاہر کیا جارہا ہے ۔
مزید پڑھیں: شمالی کوریا کا واشنگٹن، سیول پر جاسوس طیارے اور کشتیاں بھیجنے کا الزام
بھارتی میڈیا کی رپورٹ کے مطابق ہفتے کی شام ریاست گجرات کے شہر راجکوٹ کے ایک گیمنگ زون میں آگ بھڑک اٹھی جس سے 9 بچوں سمیت 27 افراد ہلاک ہوگئے۔بھارتی میڈیا کے مطابق گجرات پولیس نے ٹی آر پی گیم زون کے اونر نتن جین سمیت 3 افراد کو گرفتار کرلیا ہے ۔
آگ گیمنگ زون کے اندر بنائی گئی ایک عارضی حصے میں لگی۔ گجرات کے وزیراعلیٰ بھوپیندر بھائی پٹیل نے زخمیوں کے فوری علاج کیلئے اقدامات کرنے کی ہدایت کرتے ہوئے ہلاک شدگان کے لواحتین کے فی کس 4 لاکھ روپے امداد کا بھی اعلان کیا۔
