واشنگٹن(نیوزڈیسک)امریکہ اور سعودی عرب دو طرفہ معاہدے پر حتمی معاہدے کے قریب ہیں جب امریکی قومی سلامتی کے مشیر نے ہفتے کے آخر میں سعودعرب کے اعلیٰ حکام کیساتھ مذاکرات میں اہم پیشرفت سامنے آئی ہے۔ وائٹ ہاؤس کے قومی سلامتی کے ترجمان جان کربی کاکہنا ہے کہ دونوں فریق ایک معاہدے کے قریب پہنچ چکے ہیں ۔
امریکہ اور سعودی مذاکرات کار دوطرفہ معاہدے پر کام مکمل کرنے کی کوشش کر رہے ہیں جس میں ممکنہ طور پر مملکت کے دفاع کیلئے باضابطہ امریکی ضمانت کیساتھ مزید جدید امریکی ہتھیاروں تک سعودی رسائی کا مطالبہ کیا جائے گا۔ جس کے بدلے میں چینی ہتھیاروں کی خریداری روکنے اور ملک میں بیجنگ کی سرمایہ کاری کو محدود کیا جائے گا۔ کربی نے کہا کہ وائٹ ہاؤس کے قومی سلامتی کے مشیر جیک سلیوان نے ہفتے کے آخر میں سعودی ولی عہد شہزادہ محمد بن سلمان اور دیگر سعودی حکام سے بات چیت کی جہاں پیش رفت ہوئی۔
بشکیک سے مزید 500 طلباء وطن واپس پہنچ گئے
امریکہ-سعودی سیکورٹی معاہدے میں ریاض کے ساتھ ابھرتی ہوئی ٹیکنالوجیز بشمول مصنوعی ذہانت کے اشتراک کی بھی توقع ہے۔ایک بار جب معاہدہ مکمل ہو جاتا ہے، تو یہ اس وسیع معاہدے کا حصہ ہو گا جو اسرائیلی وزیر اعظم بنجمن نیتن یاہو کو پیش کیا جائے گا تاکہ یہ فیصلہ کیا جا سکے کہ آیا سعودی عرب کے ساتھ معاہدے کو معمول پر لانے کے لیے رعایتیں دی جائیں یا نہیں
کربی نے کہا کہ امریکہ سعودی معاہدے کا وقت واضح نہیں ہے۔ انہوں نے کہا کہ بائیڈن کا حتمی مقصد ایک فلسطینی ریاست ہے، لیکن اسرائیل کے ساتھ غزہ میں فلسطینی عسکریت پسند گروپ حماس کے ساتھ جنگ میں، جلد ہی کسی ریاست کے بارے میں کوئی معاہدہ ممکن نہیں ہے۔
