ریاض( نیوز ڈیسک )ماہرین فلکیات نے سعودی عرب میں آج چاند نظر نہ آنے کا امکان ظاہر کردیا۔غیر ملکی خبر رساں ادارے کے مطابق ماہرین فلکیات کا کہنا ہے کہ سعودی عرب میں عیدالفطر بدھ کو ہونے کا امکان ہے۔
مزید پڑھیں:چیف جسٹس ابراہیم خان کے اعزاز میں آج فل کورٹ ریفرنس ہوگا
واضح رہے کہ سعودی عرب میں شوال کا چاند دیکھنے کے لیے اجلاس آج ہوگا جس کے لیے حکام نے شہریوں سے اپیل کی
ہے کہ وہ آج 8 اپریل کو شوال کا چاند دیکھیں۔اس حوالے سے سعودی سپریم کورٹ نے ایک بیان جاری کرتے ہوئے
شہریوں سے کہا کہ وہ چاند نظر آنے کی اطلاع دیں اور متعلقہ اتھارٹی کو آگاہ کریں۔میڈیا رپورٹس کے مطابق شہریوں کو ہدایت کی
گئی ہے کہ عید کا چاند انسانی آنکھ سے یا دوربین کے ذریعے دیکھا جا سکتا ہے جس کے بعد چاند نظر آنے کی اطلاع قریبی عدالت یا مرکز کو دی جائے۔سعودی عرب میں شوال کے چاند کا باضابطہ اعلان سپریم کورٹ نے کیا ہے۔
