نئی دہلی(نیوزڈیسک) بھارتی حکومت نے فرانسیسی صحافی وینیسا ڈوگناک کو ملک بدر کرنے کی دھمکی دیدی،یہ ا قدام ایک ایسے وقت میں سامنے آیا جب بھارت میں مقامی اور غیر ملکی صحافیوں پر مظالم بڑھ رہے ہیں ، فرانسیسی صدر ایمانوئل میکرون 25جنوری سے بھارت کا سرکاری دورہ کررہے ہیں۔فرانسیسی صحافی وینیسا ڈوگناک 22سال سے بھارت میں مقیم ہیں، جنوبی ایشیا سے فرانسیسی جریدوں” لی پوائنٹ” اور ”لا کروکس” اور سوئس ، بیلجم کےاخبارات” لی ٹیمپس” اور” لی سوئرکیلئے کام کرتی ہیں۔ ڈیڑھ سال قبل مودی حکومت نے ان کا ورک پرمٹ واپسلے لیا۔۔ اب انہیں 2فروری تک ملک بدر کرنے کی دھمکی دیدی۔فرانسیسی صحافی کی بھارت کے حوالے سے رپورٹنگ بد نیتی پر مبنی ہے۔ ان پر یہ بھی الزام ہے کہ اجازت نامہ واپس لینے کے بعد بھی انہوں نے بھارت میں کام کیا جس کی وہ تردید کرتی ہیں۔حالیہ برسوں میں مودی حکومت پر تنقیدکرنے والے متعدد بھارتی صحافیوںکے خلاف مقدمے قائم کئے گئے اورانہیںجیل میں ڈالاگیا جبکہ غیر ملکی صحافیوں کوویزا کے مسائل کا سامنا ہے