ورجینیا( نیوز ڈیسک )امریکی صدر جوبائیڈن کو ورجینیا میں انتخابی مہم کے سلسلے میں تقریر کے دوران فلسطین کے حامیوں کی جانب سے نعرے بازی کا سامنا کرنا پڑا، مجمع میں موجود شہری وقفے وقفے سے فلسطینیوں کے حق میں نعرے لگاتے رہے،غیر ملکی خبر رساں ادارے کی رپورٹ کے مطابق جوبائیڈن کی تقریر کے دوران فلسطینی حامی ’Genocide Joe‘ اور ’سیز فائر‘ کا مطالبہ کرتے رہے،اس کےعلاوہ دیگر مظاہرین فلسطینی پرچم اور پلے کارڈ اٹھائے ہوئے تھے جن پر لکھا تھا ’غزہ کی خواتین کو زندہ رہنے دو،فلسطینی حامیوں کی جانب سے نعرے اور احتجاج کے دوران جوبائیڈن نے کہا کہ یہ صرف کچھ دیر تک جاری رہے گا، انہوں نے اسکی پہلے ہی منصوبہ بندی کر رکھی تھی۔یہ پہلی بار نہیں کہ امریکی صدر کو اپنی تقریر کے دوران اس طرح کے احتجاج کا سامنا کرنا پڑا ہو، قبل ازیں انتخابی مہم کے دوران انہیں کئی بار فلسطینی حامیوں کی جانب سے نعروں اور احتجاج کا سامنا کرنا جس کی وجہ سے انہیں اپنی تقریر روکنا پڑی تھی،واضح رہے کہ غزہ میں اسرائیل کی جانب سے مسلسل بمباری جاری ہے، 7 اکتوبر سے غزہ پر اسرائیلی حملوں میں کم از کم 25 ہزار 490 افراد شہید اور 63 ہزار سے زائد زخمی ہو چکے ہیں۔