غزہ ( اے بی این نیوز) غزہ میں اسرائیلی فوج فلسطینیوں کے قتل عام سے نہ رک سکی ، صیہونی فوج نے ایک بار پھر رفح اور البریج کیمپ سمیت مختلف علاقوں پر بمباری کردی، جبالیہ پناہ گزین کیمپ پر اسرائیلی فوج کی شیلنگ سے 4 فلسطینی شہید ہوگئے۔ اسپتالوں کی طرف بھی گولے برسائے گئے، گزشتہ24 گھنٹوں کے دوران 165 فلسطینی، اسرائیلی دہشتگردی کا نشانہ بنے ،جس کے بعد شہدا ءکی مجموعی تعداد 25 ہزار کے قریب پہنچ گئی جبکہ 62 ہزار 400 افراد زخمی ہوچکے ہیں،اقوام متحدہ کے سیکریٹری جنرل انتونیو گوتریس نے ایک بار پھر آزاد فلسطینی ریاست کو تنازع کا حل قرار دیدیا،اپنے بیان میں غزہ کی صورتحال پر تشویش کا اظہار کرتے ہوئے انہوں نے کہا کہ غزہ میں بمباری اور شیلنگ کے علاوہ خوراک اور صاف پانی نہ ملنے کے باعث بھی فلسطینی شہری اپنی جان کی بازی ہار رہے ہیں۔