طائف (نیوزڈیسک)سعودی عرب کے شہر طائف میں ڈیڑھ لاکھ پودے لگا دیے گئے۔عرب میڈیا کے مطابق صحرائی چیلنج سے نمٹنے کے لیے سبز اہداف کا حصول سعودی عرب کے اہم منصوبوں میں سے ایک ہے۔سعودی عرب میں 10 ارب پودے لگانے کے منصوبے کے ایک حصے کے طور پر طائف میں ڈیڑھ لاکھ پودے لگائے گئے ہیں۔اس شجرکاری کے لیے 28 ملین مربع میٹر پارک کے وسیع علاقے میں مختلف جگہوں پر 8 مقامات منتخب کیے گئے۔ یہ پارک مکہ کے سب سے بڑے اور مملکت کے سب سے قدیمی پارکوں میں سے ایک ہے۔موسمیاتی تبدیلیوں کے چیلنج سے نمٹنے کے لیے سعودی گرین ویژن کے تحت پوری مملکت میں اس طرح کے سبز اقدامات کیے جارہے ہیں۔