کیلگری (نیوزڈیسک)کینیڈا میں سردی کا 50 سالہ ریکارڈ ٹوٹ گیا، خون جما دینے والی سرد ی سے نظام زندگی متاثر، بجلی کا نظام بھی معطل، سردی کے باعث کھولتا پانی ہوا میں جاتے ہی منجمد۔شدید سردی کے باعث فرائی پین میں انڈا گرنے سے قبل ہی جم گیا،صوبہ البرٹا میں شدید سرد موسم میں پارہ منفی 43 ڈگری تک گر گیا۔کیلگری شہر میں طوفانی برفباری،ٹریفک کا نظام بری طرح متاثر ، سڑکوں پر پھسلن ،رجنوں حادثات رپورٹ، ائیر پورٹ پر پروازیں متاثر ہوگئی،سکول آئندہ چند روز کیلئے بند کر دیئے ، سینکڑوں بے گھر افراد کیلئے شیلٹر ہومز کھول دیئے۔ البرٹامیں درجہ حرارت منفی 50 ڈگری سینٹی گریڈ تک ریکارڈ کیا گیا، یخ بستہ ہواؤں کی وجہ سے الیکٹریکل ہیٹر کا استعمال بڑھ گیا، بجلی زیادہ استعمال کے باعث سپلائی کا لوڈ بڑھنے سے متعدد گرڈ سٹیشن بند ، بجلی بندش سے سیکڑوں گھروں میں اندھیرا چھا گیا، شہریوں کو شدید مشکلات کا سامنا کرنا پڑا۔