تہران(نیوزڈیسک)ایران نے امریکی صدر کو خبردارکردیا کہ اگر امریکہ اسرائیلی جرائم کی حمایت سے باز نہ آیا تو واشنگٹن سے باہر نہیں نکل سکے گا،پھر کسی ملک سے صبر اور تحمل کا مظاہرہ کرنے کا مطالبہ نہیں کر سکتا۔ایرانی وزیر خارجہ امیرعبد اللہیان نے جنیوا میں انسانی حقوق کے عالمی اعلامیے کی 75 ویں سالگرہ تقریب سے خطاب کرتے ہوئے امریکہ کو خبردارکرتے ہوئے کہا کہ عالمی قوتیں غزہ جنگ کا سفارتی حل نکالیں۔ایرانی وزیر خارجہ حسین امیرعبداللہیان نے امریکہ کو مشورہ دیا کہ امریکی صدر زوال پذیر اسرائیلی وزیراعظم نیتن یاہو کے جنگی جرائم کی حمایت کرکے اپنی سلامتی اور قومی مفادات کو نقصان نہ پہنچائے۔ایرانی وزیر خارجہ نے خبردار کیا کہ حوثی رہنماؤں نے ہمیں بتایا کہ جب تک فلسطینیوں کی نسل کشی جاری رہے گی، وہ نہ صرف اسرائیلی اور امریکی جہازوں بلکہ اسرائیل جانے والے تمام جہازوں کو نشانہ بنائیں گے۔ حسین امیرعبداللہیان نے مزید کہا کہ اگر امر یکہغزہ میں اسرائیل کی حمایت ختم نہیں کرتا تو بحیرہ احمر میں اس کے اور اسرائیل کے تجارتی جہازوں پر حملوں کا سلسلہ بھی نہیں رکے گا۔