تل ابیب(نیوزڈیسک)اسرائیلی کابینہ کے اہم وزیرنے وزیراعظم نیتن یاہو کو کھری کھری سنادیں، اسرائیلی وزیر کا کہنا تھا کہ بس اب خود سے جھوٹ بولنا بند کرنا ہوگا۔ کابینہ اجلاس میں اسرائیلی وزیر ایزن کوٹ وزیراعظم نیتن یاہو کی ناقص پالیسیوں پر شدید برہم ہوگئے ۔ ان کا کہنا تھا کہ وقت بہت تیزی سے ہمارے ہاتھوں سے نکلتا جا رہا ہے، ہر گزرتے دن کے ساتھ اسرائیلی یرغمالیوں کی زندگی کو خطرہ بڑھتا جا رہا ہے۔انہوں نے کہا کہ بس ہو گیا اب ہمیں خود سے جھوٹ بولنا بند کرنا ہوگا، یرغمالیوں کو چھڑوانے کیلئے ہمیں اپنی حکمت عملی تبدیل کرنا ہوگی۔ اسرائیلی وزیر ایزن کوٹ کا بیٹا اور بھتیجا غزہ میں حماس کے خلاف لڑتے ہوئے ہلاک ہو گئے ۔جنگی جنون میں مبتلا اسرائیلی وزیر اعظم نیتن یاہو نےکابینہ کے وزیر کے مشورے کو مسترد کرتے ہوئے جنگی آپریشن کو واحد حل قرار دیا۔