ابوظہبی(نیوزڈیسک)رواں موسمِ سرما میں متحدہ عرب امارات کو بھی غیر معمولی صورتِ حال کا سامنا ہے،درجہ حرارت سنگل ڈجٹ سے نیچے گرگیا، راس الخیمہ، جبل جیس اور دیگر پہاڑی علاقوں میں پارہ مزید گرسکتا ہے۔اماراتی میڈیاکے مطابق گزشتہ روز یو اے اے میں رہنے والوں نے موسم کے سرد ترین دن کا سامنا کیا جب درجہ حرارت 5.3 سینٹی گریڈ تک گرگیا۔دو دن سے یو اے ای کے مختلف علاقوں کے لوگوں کو سخت سردی کا سامنا رہا ہے۔ رکنہ (العین) میں پارہ منفی 5.3 تک گرا۔ اس علاقے میں درجہ حرارت 5.8 سینٹی گریڈ رہا۔ 2021 میں رکنہ میں پارہ منفی 2 سینٹی گریڈ تک گرا تھا۔جبل جیس کے علاقے میں درجہ حرارت 7.2 سینٹی گریڈ تک گرا ہے۔ پہاڑی علاقوں میں درجہ حرارت مزید کم رہنے کا امکان ہے۔راس الخیمہ سرد موسم میں لوگوں کی توجہ کا مرکز بننے والی ریاست ہے۔ سخت سردی میں لوگ راس الخیمہ کا رخ کرتے ہیں۔ دیگر پہاڑی علاقوں میں بھی موسمِ سرما کے دوران خاصی رونق دکھائی دیتی ہے۔لوگ سرد موسم سے لطف اندوز ہونے کے لیے بڑی تعداد میں جبل جیس بھی جاتے ہیں۔ اس بار بھی لوگ سرد ترین علاقوں کی سیر کو نکلے ہوئے ہیں۔ دبئی، ابوظبی، شارجہ اور دیگر شہروں میں بھی سرد موسم نے لوگوں کا موڈ خوش گوار کردیا ہے۔