غزہ(نیوزڈیسک) اپنی کار میں سوار الجزیرہ کے 2 صحافی اسرائیلی بمباری میں شہید ہوگئے اس طرح 7 اکتوبر سے تاحال غزہ میں اپنے فرائض کی انجام دہی کے دوران مارے گئے صحافیوں کی تعداد 109 ہوگئی۔عالمی خبر رساں ادارے کے مطابق غزہ میں اتوارکو شہید ہونے والے دو صحافیوں میں سے ایک الجزیرہ کے بیوروچیف وائل الدحوث کے بیٹے حمزہ ہیں جب کہ دوسرے صحافی کی شناخت مصطفیٰ ثوایا کے نام سے ہوئی۔مذمتی بیان میں بتایا گیا کہ صحافیوں کی کار کو جان بوجھ کر نشانہ بنایا گیا تاکہ اسرائیل کے مظالم کو چھپایا جا سکے اور حقائق دنیا کے سامنے نہ آسکیں