نئی دہلی(نیوزڈیسک)بھارتی بحریہ نے دعویٰ کیا ہے کہ بحیرہ عرب میں ایک جہاز کو قذاقوں سے چھڑا لیا گیا، جہاز پر بھارتی اور دیگر ممالک کے افراد سوار تھے۔بھارتی ٹی وی کے مطابق بھارتی بحریہ نے جمعہ کے روز صومالیہ کے ساحل کے قریب ایک جہاز پر سوار عملے کے تمام 21 ارکان کو بچانے کا دعویٰ کیا ہے۔ ان افراد میں 15 بھارتی باشندے بھی شامل ہیں۔لائبیریا کے جھنڈے والے بحری جہاز ایم وی لیلا نورفوک نے صومالیہ کے مشرقی حصے کے قریب ہائی جیکنگ کا ایک افسوسناک اشارہ دیاتھا۔لائبیریا کے جھنڈے والا جہاز ایم وی لیلا نورفوک پورٹ ڈو ایکو (برازیل) سے بحرین جا رہا تھا۔نیوی نے کہا کہ بحریہ کے ایلیٹ میرین کمانڈوز نے جہاز پر کارروائی کی اور ہائی جیکروں کی عدم موجودگی کی تصدیق کی۔