لاہور(نیوزڈیسک) مرکزی رہنما ن لیگ بلال یٰسین نے پارٹی قائد نواز شریف کے این اے 130 سے کاغذات نامزدگی جمع کرائے تھے جنہیں منظور کرلیا۔مرکزی رہنما ن لیگ بلال یٰسین نے میڈیا سے گفتگو کرتے ہوئے کہا کہ میاں نواز شریف کے کاغذات نامزدگی کے سلسلے میں آر او کے دفتر میں پیش ہوئے جہاں آر او نے سوال و جواب کئے ۔آر او نے میاں نواز شریف کے کاغذات نامزدگی منظور کرلیے۔بلال یاسین نے کہا کہ ان کے ہمراہ نواز شریف کے وکیل امجدپرویز بھی آر او کے دفتر میں پیش ہوئے تھے۔(ن) لیگ کے رہنما بلال یاسین خود اس حلقے کی صوبائی نشست پی پی 173 سے الیکشن لڑرہے ہیں جب کہ قومی اسمبلی کا حلقہ این اے 130 نواز شریف کا آبائی حلقہ ہے اور وہ اس سے پہلے بھی یہاں سے الیکشن لڑچکے ہیں۔نواز شریف کے کاغذات نامزدگی کی منظوری کے بعد اب وہ الیکشن لڑنے کے لیے اہل ہوگئے ۔لاہور سے قومی اسمبلی کے حلقے این اے 130 میں اندرون شہر سے باہر کا حصہ آتا ہے جن میں گوال منڈی اور انکار کلی سمیت دیگر علاقے ہیں اور یہ شہر کا بڑا حلقہ ہے۔
