اسلام آباد(نیوزڈیسک)وفاقی سطح پر آئندہ مالی سال 2024-25 کے بجٹ کا حجم 16500ارب روپے مقرر کئے جانے کا امکان ۔وفاقی حکومت کی جانب سے آئندہ مالی سال 2024-25 کے بجٹ کا حجم 16500ارب روپے جبکہ مالیاتی خسارے کا ہدف 9000 ارب روپے اور ٹیکس وصولیوں کا ہدف گیارہ ہزار ارب روپے مقرر کرنے کا فیصلہ۔وزارت خزانہ ذرائع کا کہنا کہ پاکستان اور آئی ایم ایف کے درمیان آئندہ مالی سال 2024-25کے اہم اہداف پر اصولی اتفاق تاہم اہداف کو حتمی شکل بجٹ سازی کے موقع پر دی جائے گی۔ذرائع کا کہنا کہ پاکستان میں موجود آئی ایم ایف کی ٹیکنیکل ٹیم کیساتھ پیر سے مذاکرات کے دوسرے مرحلے کا اغاز ہونے جارہا ہے ، نگران وزیر خزانہ ڈاکٹر شمشاد اختر بیرون ملک دورے سے واپسی پر اگلے ہفتے آئی ایم ایف ٹیم کے ساتھ اجلاس کریں گی جس میں آئی ایم ایف ٹیکنیکل ٹیم کی سفارشات کا جائزہ لیا جائے گا۔