اسلام آباد(نیوزڈیسک)فیض آباد دھرنا کمیشن کا پہلا باضابطہ اجلاس آج اسلام آباد میں ہوگا۔کمیشن کے سربراہ سابق آئی جی اختر علی شاہ اجلاس کی صدارت کریں گے، 3 رکنی کمیشن کے رکن طاہر عالم والدہ کی بیماری کے باعث اجلاس میں شریک نہیں ہوں گے۔فیض آباد دھرنا کمیشن 2017 میں ٹی ایل پی کے دھرنے کی تحقیقات کرے گا۔واضح رہے کہ فیض آباد دھرنا کمیشن کے 2 ارکان پہلے ایک غیر رسمی ملاقات کرچکے ہیں۔یاد رہے کہ آئینی ترمیم الیکشن بل 2017 میں حلف نامہ میں تبدیلی کے خلاف تحریک لبیک پاکستان نے احتجاج شروع کیا ۔ مظاہرین نے حکومت سے مطالبہ کیا تھا کہ وہ حلف نامے میں تبدیلی لانے پر وزیر قانون زاہد حامد سے استعفیٰ لے۔ حکومت نے 25 نوبمر کو ایک ناکام آپریشن کیا، جس کے بعد ملک بھر میں مظاہرے شروع ہو گئے اور حکومت مزید دباؤ میں آگئی، کئی شہروں میں اہ مشاہراہوں کو مظاہرین نے بند کر دیا اور ذرائع نقل و حمل روک دی، آخر کار حکومت نے 27 نومبر کو مذاکرات کے بعد ایک معاہدے پر دستخط کیے، جس کے بعد زاہد حامد نے استعفیٰ دیا اور دھرنا ختم کر دیا گیا۔
