کراچی ( اے بی این نیوز  )ملکی معیشت بہتری کی جانب گامزن ، پاکستان سٹاک ایکس چینج میں کاروبار کے پہلے روز ہی ریکارڈ تیزی،ہنڈرڈ انڈیکس 56 ہزار کی نفسیاتی حد عبور کرگیا،، کاروبار کے دوران 788 پوائنٹس کا اضافہ ،،ہنڈرڈ انڈیکس 56 ہزار214 کی ریکارڈ سطح پر پہنچ گیاکاروباری ہفتے کے پہلے روز ہی پاکستان سٹاک ایکسچینج سٹاک مارکیٹ میں زبردست تیزی دیکھی گئی، ٹریڈنگ کے دوران 100 انڈیکس میں 618 پوائنٹس کا اضافہ دیکھنے میں آیا ہے۔سٹاک مارکیٹ میں 1153 پوائنٹس اضافے کے ساتھ 100 انڈیکس ملکی تاریخ میں پہلی بار 56 ہزار 545 پوائنٹس کی سطح پر ٹریڈ کر رہا ہے۔دوسری جانب ڈالر کی قیمت بڑھنے کا سلسلہ بھی جاری ہے۔کاروباری ہفتے کے پہلے روز انٹربینک میں امریکی کرنسی کی قیمت میں 77 پیسے کا اضافہ ہوا ہے جس کے ساتھ انٹربینک میں ڈالر 287 روپے 80 پیسے پر ٹریڈ کر رہا ہے۔دوسری جانب اوپن مارکیٹ میں بھی ڈالر کی قیمت میں ایک روپے کا اضافہ دیکھا گیا ہے، اضافے کے بعد اوپن مارکیٹ میں ڈالر 289 روپے پر فروخت ہو رہا ہے۔واضح رہے کہ 16 اکتوبر سے اب تک اوپن مارکیٹ میں ڈالر کی قیمت میں 12 روپے کا اضافہ ہوا ہے۔