اسلام آباد(نیوزڈیسک) سابق وزیراعظم میاں محمد نواز شریف کی جوڈیشل کمپلیکس میں پیشی سے قبل عدالتوں کی سکیورٹی سخت ، احتساب عدالت میں بم ڈسپوزل اسکواڈ کی کمروں کی چیکنگ ، متعدد کمرے خالی کروالئے۔سابق وزیراعظم کی اسلام آباد ہائی کورٹ میں پیشی سے قبل عدالت اور اطراف میں سکیورٹی کے سخت انتظامات ، پولیس اہلکاروں کی کثیر تعداد احاطہ عدالت اور اطراف میں تعینات کردیایون فیلڈ اور العزیزیہ ریفرنسز میں سابق وزیراعظم نواز شریف کے کیسز کی سماعت اسلام آباد ہائی کورٹ میں اڑھائی بجے کے بعد ہوگی۔ کیس کی سماعت ریگولر بینچ کے بعد خصوصی ڈویژن بینچ کرے گا، جس میں چیف جسٹس عامر فاروق اور جسٹس میاں گل حسن اورنگزیب شامل ہیں۔ قبل ازیں عدالت نے آج تک نواز شریف کی حفاظتی ضمانت منظور کی تھی۔دریں اثنا احتساب عدالت میں نواز شریف کی پیشی سے قبل اندر اور باہر سکیورٹی کے سخت اقدامات کئے گئے اور جوڈیشل کمپلیکس سے جی الیون سگنل تک پولیس کی بھاری نفری تعینات کردی۔ جوڈیشل کمپلیکس کے باہر ن لیگی کارکنوں کی بڑی تعدادمیں پہنچ گئی، ۔نواز شریف آج توشہ خانہ ریفرنس کیس میں احتساب عدالت میں پیش ہوں گے، جہاں بم ڈسپوزل کے عملے نے کمرہ عدالت مکمل خالی کروا کر تلاشی لی۔ احتساب عدالت کے جج محمد بشیر توشہ خانہ کیس کی سماعت کریں گے، جس کے لیے عدالت نے نواز شریف کو ایک سے ڈیڑھ بجے کا وقت دیا ہے۔ لیگی رہنما سینیٹر افنان اللہ، نہال ہاشمی و دیگر بھی پہنچ گئے۔ انتقام پر یقین نہیں رکھتے۔ انتقام نہیں انصاف ہونا چاہیے۔ انصاف کے لیے چیف جسٹس قاضی فائز عیسیٰ اور عدالتیں موجود ہیں۔نواز شریف کے وکیل نے عدالت میں 3 درخواستیں دائر کی ہیں، جس میں توشہ خانہ ریفرنس میں نواز شریف کی ضم شدہ پراپرٹی کو ریلیز کرنے کی درخواست کی گئی ہے، علاوہ ازیں توشہ خانہ کیس میں پلیڈر مقرر کئے جانے کی استدعا شامل ہے جب کہ عدالت میں ضمانتی مچلکے جمع کروانے کے لیے بھی درخواست دائر کی گئی ہے۔ نواز شریف کی جانب سے قاضی مصباح الحسن ایڈووکیٹ نے درخواستیں دائر کی ہیں۔
