اسلام آباد(نیوزڈیسک) نئے چیف جسٹس آف پاکستان جسٹس قاضی فائزعیسیٰ نے گارڈ آف آنراور بی ایم ڈبلیوگاڑی لینے سے انکار کردیا۔جسٹس قاضی فائزعیسی کی پولیس کواپنی ذمہ داریاں دل جمی سے ادا کرنے کی ہدایت ، اسلام آباد پولیس کی جانب سے چیف جسٹس کوگارڈ آف آنرپیش کیا جانا تھا۔اسلام آباد پولیس کی جانب سے سابق چیف جسٹس کو گارڈ آنردیا گیا تھا۔چیف جسٹس قاضی فائز عیسیٰ کے سپریم کورٹ امد پر پرتپاک استقبال،سپریم کورٹ ملازمین کی بڑی تعداد نے چیف جسٹس کا استقبال کیا،چیف جسٹس کو پھولوں کا گلدستہ پیش کیا گیا،چیف جسٹس کا مختصر خطاب ۔آپ لوگوں کا بہت شکریہ،آپ لوگوں کا بہت سا تعاون چاہیے ،آج میری میٹنگز اور فل کورٹ ہے،آپ لوگوں سے تفصیلی ملوں گا،لوگ سپریم کورٹ خوشی سے نہیں آتے ،لوگ اپنے مسائل ختم کرنے کیلئے سپریم کورٹ آتے ہیں،آنے والے لوگوں سے مہمان جیسا سلوک کریں،یقینا کچھ لوگوں کو پریشانی ہوتی ہے،انصاف کے دروازے کھلے اور ہموار رکھیں ،آنے والے لوگوں کی مدد کریں ۔
