اسلام آباد(اے بی این نیوز) وزیراعظم شہباز شریف نے یونیورسٹی کیمپس کی افتتاحی تقریب سے خطاب کرتے ہوءے کہا کہ اسکل ڈیولپمنٹ ہماری ترجیح ہونا چاہیے۔وزیرِ اعظم شہباز شریف نے اسلام آباد میں نیشنل یونیورسٹی آف ٹیکنالوجی کے مرکزی کیمپس کے سنگ بنیاد رکھنے کی تقریب سے خطاب کرتے ہوئے کہا کہ گزشتہ ادوار میں 4 لاکھ 50 ہزار طلبا کو میرٹ پر وظائف دئیے۔ نوجوانوں کو ہنرمند بنانا وقت کا تقاضا اور کامیابی کی کنجی ہے۔ ملکی ترقی کے لیے فنی تعلیم کا فروغ ضروری ہے۔ ہنرمند افراد کو بیرون ملک بھیجنے سے تجارتی خسارہ کم ہوسکتا ہے،جو ملک کیلئے فائدہ مند ثابت ہوگا۔۔ تعلیم کسی ایک طبقے کا نہیں سب کا حق ہے۔شہباز شریف کا مزید کہنا تھا کہ اگر ہنر مند لوگوں کو بیرون ملک بھیجیں گے تو پاکستان کا تجارتی خسارہ کم ہوجائے گا۔ اسکل ڈیوپلمنٹ ہماری ترجیح ہونا چاہیے۔ نوجوان نسل کرپشن کو فوری طور پر ختم کرکے ملک کو آگے لے جانے کی صلاحیت رکھتی ہے۔
