اسلام آباد(اے بی این نیوز)ماحولیات کے عالمی دن کے موقع پر سربراہ پاک بحریہ ایڈمرل محمد امجد خان نیازی نے اپنے پیغام میں کہا کہ اس دن کو منانے کا مقصد قدرتی ماحول کا تحفظ اور اسے درپیش مسائل کے حوالے سے آگہی دیناہے۔ اس سال عالمی یوم ماحولیات کا عنوان’’پلاسٹک آلودگی کا حل‘‘ ہے،ہر سال عالمی سطح پر 400 ٹن سے زائد پلاسٹک تیار کیا جا رہا ہے جس کا 19-23 فیصدجھیلوں، دریاؤں اور سمندروں میں شامل ہو جاتا ہے۔پلاسٹک جلائے جانے پر زہریلے دھویں میں تبدیل ہو کر کرہ ارض کو شدید خطرات سے دوچار کر رہا ہے۔ پاک بحریہ ماحول خصوصاً آبی ماحول کی اہمیت کو اجاگر کرنے اور اس کے تحفظ کیلئے خصوصی اقدامات کر رہی ہے۔بندرگاہ کی صفائی کرنا، پاک بحریہ کے زیر انتظام علاقوں میں ریڈ بیڈ پلانٹس کا قیام اور وسیع پیمانے پر شجر کاری مہمات شامل ہیں۔ صنعتوں سے وابستہ افراد بھی ایسے طریقے اپنائیں جو پلاسٹک آلودگی کے عملی حل کیلئے موثر ہوں۔آج کے دن ہم صاف ستھرے اور محفوظ ماحول کو یقینی بنانے کے مشترکہ عزم کا اعادہ کرتے ہیں۔