اسلام آباد(نیوز ڈیسک) چیئرمین پاکستان پیپلز پارٹی اور وزیرِ خارجہ بلاول بھٹو زرداری نے یوم تکریم شہداء پاکستان کے حوالے سے کہا کہ شہید کی جو موت ہے وہ قوم کی حیات ہے،شہدا کے خون کا ہم سب پر قرض ہے، ہر محب وطن پاکستانی اپنی مٹی کی محبت میں شہید ہونے والوں سے محبت کو اپنا فرض سمجھتا ہے۔ انہوں نے اپنے خصوصی پیغام میں کہا کہ جو قومیں اپنے شہدا کو بھول جاتی ہیں ان کا تاریخ میں نام لینے والا کوئی نہیں ہوتا۔ انہوں نے کہا کہ وطن کے تمام شہدا کی قربانیوں کو نا یاد رکھا جائیگا بلکہ ان کی حرمت پر کبھی کوئی آنچ نہیں آنے دیں گے۔ انہوں نے کہا کہ آئیں آ ج عہد کریں پاکستان کی ترقی و خوشحالی کیلئے آپسی نفرتوں کی تمام دیواروں کو گرا دیں ۔
