اسلام آباد( اے بی این نیوز ) وزیراعظم شہباز شریف کی زیر صدارت قومی سلامتی کمیٹی کے اجلاس میں ملک کی داخلی اور خارجی سیکورٹی اور سلامتی کے حوالے سے بریفنگ دی جارہی ہے،قومی سلامتی کمیٹی کےا اجلاس میں 9 مئی کے واقعات کی شدید مذمت کی گئی،
وزیر اعظم ہاوس قومی سلامتی کمیٹی کے اجلاس میں کمیٹی کے ممبران وفاقی وزرا اور عسکری قیادت شریک ہے، وزرائے اعلیٰ کے علاوہ حساس اداروں کے سربراہان بھی شریک ہیں قومی سلامتی کمیٹی کے اجلاس میں وطن کے لئے جانوں کا نذرانہ پیش کرنے والے شہداء کو زبردست خراج عقیدت پیش کیا گیا، ملک میں کامیاب انسداد دہشت گردی اور خفیہ آپریشنز پر سکیورٹی فورسز کو خراج تحسین پیش کیا گیا۔
اجلاس میں حساس اداروں کی جانب سے بریفنگ دی گئی کہ 9 مئی کو سرکاری و نجی املاک کو نقصان پہنچایا گیا، شہداء کی تصاویر، یادگاروں کی بے حرمتی، تاریخی عمارتوں کو نذر آتش کیا گیا، فوجی تنصیبات کی توڑ پھوڑ اور آتش زنی کے منصوبے پر عمل درآمد کیا گیا۔
