کراچی( نیوز ڈیسک)سندھ کے 26 اضلاع بشمول کراچی ، حیدر آباد63 نشستوں پر ضمنی بلدیاتی انتخات کا مرحلہ شروع ہوگیا ۔ ذرائع کے مطابق ضمنی بلدیاتی الیکشن کیلئے پولنگ کا عمل شروع ہوگیا ، پولنگ صبح ٹھ بجے سے شام پانچ بجے تک کسی وقفے سے جاری رہے گا ،۔ ذرائع کے مطابق کراچی میں پولیس کے سات ہزار سے زائد اہلکار فرائض سرانجام دے رہے ہیں جبکہ 26 اضلاع میں 292 پولنگ سٹیشن انتہائی حساس قرار دیئے گئے ہیں جبک 157 سٹیشن حساس قرار دیئے گئے ہیں۔ ذرائع کے مطابق جیکب آباد، سانگھڑ، مٹیاری، ٹنڈوالہیار،کشمور، شکارپور، نواب شاہ، اور جامشورو میں ایک ایک نشست پر پولنگ جبکہ سجاول،گھوٹکی، سکھر، خیرپور، بدین میں دو، دو نشستوں پر الیکشن کا عمل جاری ہے ۔ ذرائع کے مطابق نوشہروفیروز، دادو اور ٹھٹھہ میں تین، تین نشستوں ،حیدرآباد میں دس نشستوں پر ووٹ ڈالے جائیں گے۔ ممبر ڈسٹرکٹ کونسل، چیئرمین، وائس چیئرمین اور جنرل کونسل کی نشستوں پر امیدواروں کے انتقال و دیگر وجوہات کے سامنے آنے پر الیکشن نہ ہوسکے تھے۔