لاہور(نیوز ڈیسک) سابق چیف جسٹس سپریم کورٹ جسٹس ثاقب نثار اور رہنما تحریک انصاف خواجہ طارق رحیم کی ایک اور مبینہ آڈیو سامنے آگئی۔تفصیلات کے مطابق مبینہ آڈیو میں سابق چیف جسٹس ثاقب نثار نے پی ٹی آئی رہنما خواجہ طارق رحیم سے کہا کہ خواجہ صاحب ایک چیز میں آپ کو عرض کرنا چاہتا تھا، ایک ججمنٹ ضرور دیکھ لیجئے گا، یہ 7 ممبران کی ججمنٹ ہے۔خواجہ طارق رحیم پوچھتے ہیں کون سی ججمنٹ ؟ سابق چیف جسٹس ثاقب نثار بولتے ہیں کہ جی یہ اپنا سوموٹو ہے، یہ اپنا 4 نمبر سوموٹو ہے 2010 کا، 7 ممبر ججمنٹ 2012 سپریم کورٹ صفحہ نمبر 553، چلیں آپ پڑھ لیں گے تو پتہ لگ جائے گا جس پر خواجہ طارق رحیم نے کہا کہ میں پڑھ لوں گا، ثاقب نثار جواب میں کہتے ہیں کہ 7 ممبر بنچ ججمنٹ ہے جس میں انہوں نے کہا ہے کہ جج صاحب کا ایکٹ نہیں بنتا۔خواجہ طارق رحیم پھر بولے کہ میں دیکھ لیتا ہوں، ثاقب نثار پھر جواب دیتے ہیں کہ جو بھی آپ کا وکیل ہے اسے کہیں دیکھ لیں ، خواجہ طارق رحیم بولے کہ اگر آپ ذرا غور سے پڑھیں ہائی نوٹ ٹو سی جے کلاز تھری۔سابق چیف جسٹس ثاقب نثار کہتے ہیں کہ جی جی، جی سر میں نے دیکھا ہے وہی ہمارے پاس وے آؤٹ ہے، ورنہ توکیس ہی نہیں بنتاتھا، آزاد جموں و کشمیر میں جو کچھ ہوا اس کے بعد ت وتوہین عدالت کا یہ سیدھا کیس ہے۔