بولان(نیوز ڈیسک) بولان کے علاقے کنبڑی پل پر بلوچستان کانسٹیبلری کے ٹرک کے قریب دھماکا9 افراد شہید جبکہ7 زخمی ہوگئے۔پولیس حکام کے مطابق بولان میں ہونے والے دھماکے میں پولیس ٹرک کو نشانہ بنایا گیا دھماکے کے نتیجے اب تک9افراد شہید اور7 افراد زخمی ہوئے ہیں ۔ایس ایس پی کچھی محمد نوتیزئی کا کہنا ہے کہ دھماکا موٹر سائیکل خود کش حملہ آور نے کیا، زخمی اہلکاروں کو فوری طور پر طبی امداد کے لئے سول اسپتال سبی منتقل کیا جا رہا ہے،دھماکے کے فورا بعد بم ڈسپوزل ٹیم جائے وقوعہ پر پہنچ گئی، علاقے میں سرچ آپریشن جاری ہے ۔
زرائع کے مطابق بولان میں بلوچستان کانسٹیبلری کیٹرک کے قریب دھماکے سے 9 اہلکار شہید ہوگئے۔ پولیس کے مطابق بلوچستان کانسٹیبلری کے اہلکار سبی میلے میں ڈیوٹی کے بعدکوئٹہ واپس آ رہے تھے، دھماکے میں بلوچستان کانسٹیبلری کے 9 اہلکار زخمی بھی ہوئے ہیں۔ پولیس کا کہنا ہے کہ دھماکے میں زخمی ہونے والے 3 افراد کی حالت تشویشناک ہے جنہیں سی ایم ایچ سبی منتقل کردیا گیا ہے۔ ایس ایس پی کچھی محمود نوتیزئی کا کہنا ہے کہ ابتدائی شواہد کیمطابق بولان دھماکا خودکش تھا، دھماکیکے بعد بم ڈسپوزل ٹیم جائے وقوعہ پر پہنچ گئی ہے اور دھماکے کے بعد علاقے کو سرچ کیا جا رہا ہے۔ وزیراعلی بلوچستان عبدالقدوس بزنجو نے بلوچستان کانسٹیبلری کی گاڑی کے قریب بم دھماکے کی مذمت کرتے ہوئے کہا ہے کہ دہشت گرد عناصر بزدلانہ کارروائیوں سے مذموم مقاصد کا حصول چاہتے ہیں، بدامنی اور عدم استحکام پیدا کرکے صوبے کو پسماندہ رکھنیکی سازش کی جارہی ہے۔ عبدالقدوس بزنجو کا کہنا تھا کہ ایسی تمام سازشوں کو عوام کی حمایت سے ناکام بنایا جائیگا۔ وفاقی وزیرداخلہ رانا ثنااللہ نے بھی بولان میں بلوچستان کانسٹیبلری پر دہشت گرد حملے کی مذمت کرتے ہوئے قیمتی جانوں کے ضیاع پر گہرے دکھ اور افسوس کا اظہار کیا ہے۔ وفاقی وزیرداخلہ کا کہنا ہے کہ پوری قوم دہشت گردی کیخلاف جنگ میں سکیورٹی فورسز کے شانہ بشانہ کھڑی ہے۔ وفاقی وزیرداخلہ نے حملے کی رپورٹ بھی طلب کرلی ہے۔
