ٹیکساس (اے بی این نیوز) امریکی ریاست ٹیکساس کی ہائی وے پر چھوٹا جیٹ طیارہ گر کر تباہ ہو گیا جس کے نتیجے میں ایک شخص ہلاک ہو گیا تاہم شہریوں کے بروقت ردعمل سے متعدد مسافروں کی جان بچ گئی۔
غیر ملکی خبر رساں ادارے کے مطابق طیارے میں 6 افراد سوار تھے۔ حادثے کے بعد ہائی وے پر سفر کرنے والے لوگ اپنی کاریں چھوڑ کر زخمیوں کو بچانے کے لیے دوڑ پڑے اور کاک پٹ کی کھڑکی توڑ کر اندر پھنسے افراد کو بچانے کی کوشش کی۔
خبر رساں ادارے کے مطابق یہ واضح نہیں ہوسکا کہ متوفی طیارے میں تھا یا زمین پر جب کہ پولیس نے طیارے میں موجود افراد کی شناخت اور حالات کے بارے میں تفصیلات فراہم نہیں کیں۔
BREAKING: A NetJets Cessna 680 Citation Latitude (N523QS) crashed on a highway while attempting an emergency landing near Laredo International Airport, Texas.
The aircraft had diverted to Laredo after declaring an emergency while en route from Los Cabos, Mexico, to Austin,… pic.twitter.com/BGDqZqdz9w
— Turbine Traveller (@Turbinetraveler) June 17, 2026
امریکی میڈیا کے مطابق 5 پولیس اہلکاروں کو دھویں سے متاثر ہونے کے بعد اسپتال لے جایا گیا۔
فلائٹ ٹریکنگ کمپنی کے مطابق حادثے کا شکار ہونے والا طیارہ Cessna Citation Latitude تھا جس نے میکسیکو کے لاس کیبوس انٹرنیشنل ایئرپورٹ سے اڑان بھری۔
حادثے کی وجہ فوری طور پر معلوم نہیں ہوسکی تاہم لاریڈو انٹرنیشنل ایئرپورٹ کے ڈائریکٹر گلبرٹو سانچیز کے مطابق طیارے میں فنی خرابی کا امکان ہے تاہم انہوں نے مزید تفصیلات فراہم نہیں کیں۔
مزید پڑھیں:بھارتی فضائی حدود کی بندش پر بڑا فیصلہ،جانیے اہم تفصیلات
