تہران (اے بی این نیوز) ایرانی حکومت نے پارلیمنٹ کے اسپیکر محمد باقر قالیباف کو چین کے امور کے لیے اپنا خصوصی نمائندہ مقرر کر دیا ہے۔
ایرانی خبر رساں ادارے تسنیم کی رپورٹ کے مطابق باخبر ذرائع نے بتایا کہ پارلیمنٹ کے اسپیکر باقر قالیباف کو حال ہی میں چین کے لیے خصوصی نمائندہ مقرر کیا گیا ہے۔
رپورٹ میں کہا گیا ہے کہ قالیباف چین سے متعلق مختلف قومی اداروں کے کوآرڈینیٹر کے طور پر کام کرے گا۔
باقر قالیباف کو خصوصی نمائندہ مقرر کرنے کی تجویز صدر مسعود پیشکشیان نے پیش کی تھی اور سپریم لیڈر مجتبیٰ خامنہ ای نے اس کی منظوری دی تھی۔
ذرائع نے بتایا کہ باقر قالیباف کی تقرری ان کے اختیارات کی بنیاد پر سابقہ نمائندوں سے مختلف ہے۔
رپورٹ میں یہ واضح نہیں کیا گیا کہ آیا باقر قالیباف اس عہدے کے بعد پارلیمنٹ کے اسپیکر کے طور پر اپنا عہدہ برقرار رکھیں گے۔
مزید پڑھیں:مسلم لیگ (ن) کی خاتون رہنما زخمی،ہسپتال منتقل
