خیبر پختونخوا حکومت نے عوامی و تجارتی ٹرانسپورٹ کے شعبے کو بڑا ریلیف دینے کے لیے ایک اہم اقدام اٹھاتے ہوئے کمرشل گاڑیوں کے مالکان کے لیے نئی سبسڈی اسکیم متعارف کرا دی ہے۔ اس منصوبے کا مقصد پٹرولیم (PETROL
)مصنوعات کی بڑھتی ہوئی قیمتوں کے باعث ٹرانسپورٹرز پر پڑنے والے مالی بوجھ کو کم کرنا اور عوام کو بہتر سفری سہولیات کی فراہمی یقینی بنانا ہے۔

حکام کے مطابق “احساس فیول سپورٹ اسکیم” کے تحت مختلف اقسام کی کمرشل گاڑیوں کے لیے ماہانہ مالی امداد دی جائے گی۔ بڑی بسوں کے مالکان کو ایک لاکھ روپے ماہانہ سبسڈی فراہم کی جائے گی، جبکہ بڑی کمرشل گاڑیوں کے لیے 80 ہزار روپے اور ٹرک مالکان کے لیے 70 ہزار روپے ماہانہ امداد مقرر کی گئی ہے۔ اسی طرح منی بسوں کے لیے 40 ہزار روپے اور وینز کے لیے 35 ہزار روپے ماہانہ سبسڈی دی جائے گی تاکہ پبلک ٹرانسپورٹ سروسز متاثر نہ ہوں اور کرایوں میں بے جا اضافہ روکا جا سکے۔
مزید پڑھیں :مذاکرات کے حوالے سے ٹرمپ نے اہم انکشاف کر دیا،فوجی آپریشنز بارے بھی بتا دیا،جا نئے کیا
صوبائی محکمہ ٹرانسپورٹ کا کہنا ہے کہ اس اسکیم کو مکمل طور پر ڈیجیٹل نظام کے تحت چلایا جائے گا، جہاں درخواست دہندگان آن لائن رجسٹریشن کر کے آسانی سے تصدیقی عمل مکمل کر سکیں گے۔ اس اقدام سے شفافیت کو یقینی بنانے اور کرپشن کے امکانات کم کرنے میں مدد ملے گی۔

ماہرین کے مطابق یہ اسکیم نہ صرف ٹرانسپورٹ سیکٹر کو سہارا دے گی بلکہ مہنگائی کے دباؤ کو بھی کسی حد تک کم کرے گی، کیونکہ ٹرانسپورٹ کے اخراجات کم ہونے سے عوامی سطح پر کرایوں میں استحکام آ سکتا ہے۔ سوشل میڈیا پر بھی اس اعلان کو خوب سراہا جا رہا ہے اور شہری اسے مشکل حالات میں ایک مثبت قدم قرار دے رہے ہیں۔