واشنگٹن (انٹرنیشنل نیوز) امریکی صدر ڈونلڈ ٹرمپ کا کہنا ہے کہ ایران میں نئی قیادت تلاش کرنے کا وقت آگیا ہے۔
ڈونلڈ ٹرمپ کا یہ بیان ایک ایسے وقت میں سامنے آیا ہے جب ایران میں حکومت کا تختہ الٹنے کا مطالبہ کرنے والے ملک گیر احتجاج کمزور ہوتے دکھائی دے رہے ہیں جب کہ ایرانی حکومت کا دعویٰ ہے کہ صورتحال مکمل طور پر قابو میں ہے۔
گزشتہ چند دنوں کے دوران ٹرمپ نے ایران میں فوجی مداخلت کی متعدد دھمکیاں دی ہیں اور گزشتہ منگل کو بھی انہوں نے ایرانی عوام سے احتجاج جاری رکھنے اور اداروں کو سنبھالنے کی اپیل کی تھی اور کہا تھا کہ مدد آنے والی ہے۔
تاہم اگلے دن ٹرمپ نے اچانک اپنا موقف بدلتے ہوئے کہا کہ انہیں اطلاع ملی ہے کہ ایران میں قتل و غارت بند ہو گئی ہے اور وہ پھانسی پر بھی عمل نہیں کر رہے ہیں۔
آج ایک بیان میں ایرانی سپریم لیڈر نے ٹرمپ کو ایران میں ہلاکتوں اور بدامنی کا ذمہ دار ٹھہرایا۔
ایرانی سپریم لیڈر کے بیان کے جواب میں ٹرمپ نے کہا کہ تہران کے حکمران حکومت چلانے کے لیے جبر اور تشدد پر انحصار کرتے ہیں جو اس سے پہلے کبھی نہیں دیکھی گئی۔
ٹرمپ نے کہا کہ قیادت کا مطلب عزت ہے، خوف اور موت نہیں، اور اقتدار کو برقرار رکھنے کے لیے ہزاروں لوگوں کو مارنے کے بجائے، حکمرانوں کو ملک کو صحیح طریقے سے چلانے پر توجہ دینی چاہیے، جیسا کہ میں امریکا میں کرتا ہوں۔
امریکی صدر کا مزید کہنا تھا کہ ناقص قیادت کی وجہ سے ایران رہنے کے لیے دنیا کی بدترین جگہ بن گیا ہے۔
مزید پڑھیں:پی ٹی آئی دو دھڑوں میں تقسیم، فواد چودھری کا بڑا دعویٰ
