اسلام آباد ( نیوز ڈیسک) سابق وفاقی وزیر اطلاعات اور سینئر سیاستدان فواد چودھری نے حکمراں جماعت مسلم لیگ ن کے صدر نواز شریف سے اپیل کر دی۔
نجی ٹی وی سے گفتگو میں فواد چوہدری نے نواز شریف سے ملک کے موجودہ سیاسی درجہ حرارت کو کم کرنے میں کردار ادا کرنے کی اپیل کی۔
انہوں نے کہا کہ قومی مذاکراتی کمیٹی نے وزیراعظم شہباز شریف سے ملاقات کی درخواست کی ہے لیکن انہوں نے کوئی جواب نہیں دیا۔
سابق وفاقی وزیر نے کہا کہ ملک میں سیاسی استحکام لانے کے لیے نواز شریف، شہباز شریف اور آصف زرداری کو مذاکرات کرنا ہوں گے، کوٹ لکھپت جیل کے قیدیوں کی رہائی سے اچھا تاثر جائے گا۔
انہوں نے سوال کیا کہ پی ٹی آئی کی کیا پالیسی ہے؟ آدھی جماعت انقلاب چاہتی ہے، آدھی مذاکرات چاہتی ہے۔
فواد چودھری نے مزید کہا کہ بیرسٹر گوہر ایک بات کہتے ہیں، خیبرپختونخوا میں جونیئر منسٹر دوسری بات کہتے ہیں۔
انہوں نے یہ بھی کہا کہ سلمان اکرم راجہ کہتے ہیں کہ دہشت گردی افغانستان سے آرہی ہے، جب کہ وزیراعلیٰ سہیل آفریدی ان کے بیان سے اتفاق نہیں کرتے۔
مزید پڑھیں:ایران کے دارالحکومت سے افسوسناک خبر آگئی
