اسلام آباد (اے بی این نیوز) وزیراعظم شہباز شریف نے قطر کے امیر شیخ تمیم بن حمد الثانی سے ٹیلیفونک رابطہ کیا ہے جس میں دونوں رہنماؤں نے پاکستان اور قطر کے تعلقات کی موجودہ صورتحال پر اطمینان کا اظہار کیا۔
وزیراعظم آفس کے اعلامیے کے مطابق، شہباز شریف اور شیخ تمیم نے مشرق وسطیٰ کی حالیہ پیشرفت پر بھی تبادلہ خیال کیا۔ وزیراعظم نے خطے میں مذاکرات اور ثالثی میں قطر کے فعال کردار کو سراہا اور کشیدگی کم کرنے کے لیے قطر کی بامعنی کوششوں کا اعتراف کیا۔
اعلامیے میں مزید کہا گیا ہے کہ پاکستان علاقائی امن و استحکام کے لیے اپنا مثبت کردار جاری رکھے گا۔ دونوں رہنماؤں نے قریبی رابطے میں رہنے اور مستقبل میں تعاون بڑھانے پر اتفاق کیا۔
مزید پڑھیں:سیاسی جماعتوں کا پی ٹی آئی پر تنقیدی نشانہ، مذاکرات اور جمہوریت پر زور
