وینزویلا (اے بی این نیوز) ایک اور امریکی حملے کی دھمکی کے بعد عبوری صدر ڈیلسی روڈریگز نے ہتھیار ڈال دیے اور امریکا کو تعاون کی پیشکش کر دی۔
دارالحکومت کراکس سے خبر رساں ایجنسی کے مطابق، عبوری صدر ڈیلسی روڈریگز نے ایک بیان میں مفاہمت والا لہجہ اپنایا اور غیر متوقع طور پر مشترکہ ترقی پر توجہ مرکوز کرنے والے ایجنڈے پر امریکا کے ساتھ تعاون کی پیشکش کی۔
انہوں نے کہا کہ ان کی حکومت امریکہ کے ساتھ باعزت تعلقات کی طرف پیش رفت کو ترجیح دے رہی ہے۔
انہوں نے اس سے قبل امریکی اسپیشل فورسز کی جانب سے وینزویلا کے صدر نکولس مادورو کی امریکا منتقلی اور امریکی فوجی آپریشن پر تنقید کرتے ہوئے اسے تیل کی دولت سے مالا مال وینزویلا کے وسائل پر غیر قانونی قبضہ قرار دیا تھا۔
وینزویلا کی سپریم کورٹ نے صدر نکولس مادورو کی گرفتاری اور امریکہ لے جانے کے بعد ڈیلسی روڈریگز کو عبوری حکومت کا سربراہ مقرر کیا تھا۔
مزید پڑھیں:دشمن کا جھوٹا پروپیگنڈا بے نقاب، ایرانی سفیر
