اسلام آباد (اے بی این نیوز)ڈسٹرکٹ اینڈ سیشن کورٹ اسلام آباد نے علی امین گنڈا پور سمیت دیگر افراد کے خلاف حقیقی آزادی مارچ کے مقدمات میں کارروائی کرتے ہوئے اہم قدم اٹھایا ہے۔ عدالت نے علی امین گنڈا پور کے دو مقدمات میں وارنٹ گرفتاری جاری کر دیے ہیں۔
جوڈیشل مجسٹریٹ مبشر حسن چشتی کی زیرِ صدارت سماعت میں بتایا گیا کہ علی امین گنڈا پور متعدد بار عدالت طلب کیے جانے کے باوجود پیش نہیں ہوئے۔ عدالت نے کیس کی مزید سماعت 8 جنوری تک ملتوی کر دی۔
اطلاعات کے مطابق، بانی پی ٹی آئی شاہ محمود قریشی، زرتاج گل اور دیگر افراد دونوں مقدمات سے بری ہو چکے ہیں۔ علی امین گنڈا پور اور دیگر کے خلاف تھانہ بارہ کہو میں دو مقدمات درج ہیں۔
عدالت کی کارروائی کے بعد پی ٹی آئی کے اہم راہنما علی امین گنڈا پور کے وارنٹ گرفتاری جاری ہونے سے سیاسی حلقوں میں دلچسپی اور بحث پیدا ہو گئی ہے۔
مزید پڑھیں:حکومت کا شہریوں کو ماہانہ الاؤنس دینے کا اعلان
