دبئی (اے بی این نیوز) پولیس نے عوام کو خبردار کیا ہے کہ وہ جعلی ورک ویزا سکیموں اور ویزا فراڈ سے ہوشیار رہیں۔
دبئی پولیس کے کریمنل انویسٹی گیشن کے انسداد فراڈ سینٹر نے اپنے بیان میں کہا ہے کہ ’ویزہ فراڈ آفرز‘ کے ذریعے لوگوں کو لوٹا جا رہا ہے اور ایسے فراڈ کے طریقوں سے بچنے کے لیے انتہائی محتاط رہنے کی ضرورت ہے۔
دبئی پولیس نے جعلی ویزا سپانسر شپ کے جھوٹے وعدے کرنے والوں سے ہوشیار رہنے کی تنبیہ کی ہے۔
پولیس کا کہنا ہے کہ اس وقت بڑی تعداد میں جعلساز لوگوں سے روزگار کی آڑ میں رقم بٹورنے کی کوشش کر رہے ہیں اور ان کی پیشکشوں میں کوئی صداقت نہیں ہے۔
دبئی پولیس نے واضح کیا ہے کہ دبئی میں نوکریاں صرف سرکاری چینلز اور قانونی طور پر لائسنس یافتہ ریکروٹمنٹ ایجنسیوں کے ذریعے حاصل کی جا سکتی ہیں۔
پولیس نے کہا ہے کہ وہ خاص طور پر ان لوگوں سے ہوشیار رہیں جو غیر قانونی طریقوں اور ضمانت شدہ ویزا پیش کرتے ہیں۔
#News | Dubai Police Issue Warning Over Work Visa Scams
Details:https://t.co/jWeQOwyFdt#BewareOfFraud pic.twitter.com/q6KvWBAlaH
— Dubai Policeشرطة دبي (@DubaiPoliceHQ) January 4, 2026
دبئی پولیس نے کہا ہے کہ اگر آپ جعلی ویزا سکیم کا شکار ہو جاتے ہیں تو فوری طور پر پولیس سے رابطہ کریں اور اس کی اطلاع دیں۔
حکام نے عوام سے اپیل کی ہے کہ وہ کسی بھی مشکوک ویزا آفر کی فوری طور پر آن لائن اطلاع دیں تاکہ کوئی اور ‘جعلی ویزا اسکینڈل’ کا شکار نہ ہو۔
پولیس نے یہ بھی کہا ہے کہ کسی بھی فراڈ سے بچنے کے لیے کسی بھی ویزا پیشکش کی ادائیگی سے پہلے متعلقہ سرکاری اداروں سے تصدیق کرنا ضروری ہے۔
مزید پڑھٰیں:انٹیلی جنس کی بروقت کارروائی سے بڑی تباہی ٹل گئی
