ویٹی کن سٹی (اے بی این نیوز) کرسمس کے موقع پر خصوصی خدمات کا اہتمام کیا گیا۔ اس موقع پر اپنے خطاب میں پوپ لیو نے دنیا بھر میں جاری جنگوں کے خاتمے پر زور دیا۔

پوپ لیو نے غزہ کے مظلوم فلسطینیوں کا خصوصی ذکر کیا اور فلسطین، لبنان، شام، اسرائیل اور یوکرین میں امن، انصاف اور استحکام کے لیے دعا کی۔

دنیا بھر میں کرسمس کی تقریبات کا انعقاد کیا گیا۔ شام کے گرجا گھروں میں خصوصی خدمات کا اہتمام کیا گیا۔ دمشق میں کرسمس کے موقع پر چرچ سکاؤٹس نے پریڈ کی۔

عراق کے گرجا گھروں میں بھی کرسمس کی تقریبات پورے مذہبی جوش و جذبے کے ساتھ منائی گئیں۔

غزہ میں فلسطینیوں نے بھی کرسمس منایا، بیت المقدس میں خصوصی خدمات کا اہتمام کیا گیا اور گرجا گھروں کو چراغاں کیا گیا۔

برلن کے اسٹیڈیم میں 28 ہزار سے زائد فٹ بال شائقین نے کرسمس کا خصوصی گانا گایا۔

روس کے دارالحکومت ماسکو میں کرسمس کے تہوار میں لوگوں کی بڑی تعداد نے شرکت کی۔

خلائی اسٹیشن پر موجود خلابازوں نے کرسمس ٹری سجا کر سب کو میری کرسمس کی مبارکباد دی۔ نیویارک میں ایمپائر اسٹیٹ بلڈنگ چمکدار رنگوں سے جگمگا اٹھی۔
مزید پڑھیں‌:پی ٹی آئی رہنماؤں کی ملاقات سے متعلق بڑی خبر