اسلام آباد (اے بی این نیوز) پی ٹی آئی نے الیکشن کمیشن آف پاکستان سے کاغذات نامزدگی کی تاریخ میں توسیع کی درخواست کر دی۔

تفصیلات کے مطابق اسلام آباد میں پی ٹی آئی کے ریجنل صدر عامر مغل کی زیر صدارت بلدیاتی انتخابات کے حوالے سے اجلاس ہوا، جس میں الیکشن کمیشن سے کاغذات نامزدگی جمع کرانے کی تاریخ میں توسیع کی درخواست کرنے کا فیصلہ کیا گیا۔

درخواست میں کہا گیا کہ 26 دسمبر کو اسلام آباد میں تعطیل کے باعث کاغذات جمع کرانے میں مشکلات ہوں گی، الیکشن کمیشن کاغذات نامزدگی جمع کرانے میں 3 دن کی توسیع کرے گا۔

پاکستان تحریک انصاف کی جانب سے جمع کرائی گئی درخواست میں مزید کہا گیا ہے کہ 125 یونین کونسلوں کے 1125 کونسلرز کے کاغذات نامزدگی کے لیے کم وقت دیا گیا۔

پی ٹی آئی کے علاقائی صدر امیر مغل نے کارکنوں کو ہدایت کی ہے کہ وہ کاغذات نامزدگی میں خود کو ’’سنی اتحاد کونسل‘‘ کا امیدوار ظاہر کریں۔

مزید پڑھیں‌:وزیراعلیٰ خیبر پختونخوا کی شاہ محمود قریشی سے ملاقات متوقع