اسلام آباد (اے بی این نیوز) بھارت نے چناب کے بعد دریائے جہلم اور نیلم کا پانی روک کر ایک بار پھر اقوام متحدہ کے قوانین کی خلاف ورزی کی ہے۔
انڈس واٹر کمیشن کے ذرائع کا کہنا ہے کہ دریائے جہلم اور نیلم میں پانی کی آمد صرف 3 ہزار کیوسک رہ گئی ہے، چار روز قبل پانی کی آمد 5 ہزار کیوسک سے زائد تھی۔
ذرائع کے مطابق دریاؤں کا پانی روکنا سندھ طاس معاہدے کی صریح خلاف ورزی ہے، دریائے چناب اور جہلم میں پانی کا بہاؤ تاریخ کی کم ترین سطح پر پہنچ گیا ہے۔
انڈس واٹر کمیشن کے ذرائع کا کہنا ہے کہ چار روز قبل چناب میں پانی 10 ہزار کیوسک تھا جو کہ اب 5 ہزار کیوسک ہے، ہیڈ مرالہ کے مقام پر دریائے چناب میں پانی کا اخراج صفر ہو گیا ہے۔
آبی ماہرین کے مطابق بھارت کی جانب سے پانی کی بندش کے باعث دریائے چناب سے قادر آباد خان بیراج تک آنے والی نہروں کو پانی نہیں ملے گا۔ بھارت کے پانی روکنے سے پنجاب کی لاکھوں ایکڑ زمین بنجر ہونے کا خطرہ ہے۔ انڈس واٹر کمیشن بھارت کے اس اقدام کے خلاف عالمی ثالثی عدالت سے رجوع کرے۔
ایک روز قبل پاکستان کے دفتر خارجہ نے کہا تھا کہ اس نے دریائے چناب میں پانی کے بہاؤ میں اچانک تبدیلی پر بھارت سے خط کے ذریعے وضاحت طلب کی ہے۔
9 مئی کیس فیصلہ، پی ٹی آئی رہنمائوںکو سزا ئیںسنا دی گئیمزید پڑھیں:
