پشاور (اے بی این نیوز) خیبرپختونخوا کے ضلع ٹانک میں اتوار کی صبح 6 بجے سے شام 6 بجے تک کرفیو نافذ رہے گا۔
ضلعی انتظامیہ نے اتوار کو کرفیو کے نفاذ کا نوٹیفکیشن جاری کر دیا۔ جس کے مطابق ضلع ٹانک کے جنڈولہ سب ڈویژن میں کرفیو کے باعث بازار بند رہیں گے۔ جبکہ کرفیو کے دوران ہر قسم کی نقل و حرکت پر مکمل پابندی ہوگی۔
ضلع ٹانک کی شاہراہ کوک قلعہ بھی ٹریفک کے لیے بند رہے گی۔
نوٹیفکیشن کے مطابق مذکورہ شاہراہوں پر داخلہ سختی سے ممنوع ہے۔ اور صرف ایمرجنسی کی صورت میں متاثرہ راستوں پر پولیس یا سیکورٹی فورسز کی اجازت سے شناختی کارڈ اور دستاویزات جمع کروا کر سفر جاری رکھا جا سکتا ہے۔
مزید کہا گیا کہ کرفیو کے دوران صرف منظور شدہ ہنگامی نقل و حرکت کی اجازت ہے۔ سیکورٹی فورسز کو دیکھ کر 50 میٹر آگے گاڑی روکیں اور تمام افراد نیچے اتر جائیں۔ خلاف ورزی کی ذمہ داری متعلقہ شخص پر عائد ہوگی۔
مزید پڑھیں:ملک کے مختلف علاقوں میں بارش اور برفباری کی پیشگوئی
