اسلام آباد (اوصاف نیوز) محکمہ موسمیات نے ملک کے مختلف علاقوں میں بارش اور پہاڑوں پر برفباری کی پیشگوئی کی ہے۔
اعلامیے کے مطابق 13 سے 15 دسمبر تک خیبرپختونخوا کے بالائی علاقوں میں بارش اور پہاڑوں پر برفباری کا امکان ہے، اس دوران گلگت بلتستان اور کشمیر کے بعض علاقوں میں بارش اور پہاڑوں پر برفباری ہوسکتی ہے۔
محکمہ موسمیات کے مطابق 14 سے 15 دسمبر تک بلوچستان کے مختلف اضلاع میں بارش اور پہاڑوں پر برفباری کا امکان ہے۔راولپنڈی، اسلام آباد، پشاور میں بوندا باندی اور مری میں ہلکی بارش اور پہاڑوں پر برفباری کا امکان ہے۔
اس دوران پنجاب، خیبرپختونخوا اور بالائی سندھ کے میدانی علاقوں میں شدید دھند چھائی رہے گی۔ مغربی ہواؤں کا ایک اور سلسلہ 19 دسمبر سے ملک میں داخل ہونے کا امکان ہے۔
مزید پڑھیں:غیر ملکی ایئرلائن کے اسٹیشن منیجر کی لاش برآمد
