کراچی (اے بی این نیوز) عالمی اور مقامی صرافہ مارکیٹوں میں گزشتہ روز بڑے اضافے کے بعد سونے کی قیمت میں ایک بار پھر کمی ریکارڈ کی گئی۔ آل پاکستان صرافہ ایسوسی ایشن کے مطابق مقامی مارکیٹ میں آج سونا 2 ہزار روپے فی تولہ سستا ہو گیا ہے۔
قیمت میں کمی کے بعد 24 قیراط سونے کی فی تولہ قیمت 452,262 روپے ہو گئی ہے جب کہ 10 گرام سونا 1715 روپے کی کمی کے بعد 387,741 روپے میں فروخت ہو رہا ہے۔ واضح رہے کہ گزشتہ روز سونے کی فی تولہ قیمت میں 10 ہزار 700 روپے کا اضافہ ہوا تھا۔
اس دوران چاندی کی قیمت میں بھی کمی دیکھی گئی ہے۔ فی تولہ چاندی 220 روپے سستی ہو کر 6464 روپے ہوگئی۔
عالمی مارکیٹ میں بھی سونے کی قیمت میں کمی ہوئی ہے جہاں سونا 20 ڈالر فی اونس کمی سے 4 ہزار 299 ڈالر پر آ گیا ہے۔
مزید پرھیں:عمر قید کی سزا کے بارے میں اہم فیصلہ
