پشاور (اے بی این نیوز)خیبرپختونخوا کے گورنر فیصل کریم کنڈی کو تبدیل کرنے کا امکان زیر غور ہے۔ نئے گورنر کے لیے چھ نام مختلف حلقوں میں زیر غور ہیں۔ذرائع کے مطابق، زیر غور ناموں میں تین سیاسی شخصیات اور تین سابق فوجی افسر شامل ہیں۔ سیاسی شخصیات میں امیر حیدر ہوتی، آفتاب شیرپاؤ اور پرویز خٹک کے نام سامنے آئے ہیں۔
فوجی افسران میں لیفٹیننٹ جنرل (ر) خالد ربانی، لیفٹیننٹ جنرل (ر) غیور محمود اور لیفٹیننٹ جنرل (ر) طارق خان کے نام شامل ہیں۔ ذرائع نے بتایا کہ لیفٹیننٹ جنرل (ر) غیور محمود اور لیفٹیننٹ جنرل (ر) طارق خان سابق آئی جی ایف سی رہ چکے ہیں، جبکہ لیفٹیننٹ جنرل (ر) خالد ربانی سابق کور کمانڈر پشاور رہ چکے ہیں۔
مزید پڑھیں :کے پی میں گورنر راج؟
