راولپنڈی (اے بی این نیوز) قومی ٹی ٹوئنٹی ٹیم کے کپتان سلمان علی آغا نے کہا ہے کہ ہم اب ورلڈ کپ کے لیے پوری طرح تیار ہیں۔
راولپنڈی کرکٹ سٹیڈیم میں سری لنکا کے خلاف سہ ملکی سیریز کا فائنل جیتنے کے بعد گفتگو میں سلمان علی آغا نے کہا کہ یہ ہمارے لیے بہترین سیریز تھی۔
انہوں نے کہا کہ ہم ٹی ٹوئنٹی ورلڈ کپ 2026 سے قبل 15 لڑکوں کو تیار کرنا چاہتے تھے، ہماری تیاری مکمل ہے۔
ٹی ٹوئنٹی ٹیم کے کپتان کا مزید کہنا تھا کہ ہمارا ہر کھلاڑی پرفارم کر رہا ہے، ہم اب ورلڈ کپ کے لیے پوری طرح تیار ہیں۔
یاد رہے کہ سہ ملکی ٹی ٹوئنٹی سیریز کے فائنل میں پاکستان نے سری لنکا کو 6 وکٹوں سے شکست دے کر سیریز اپنے نام کی تھی۔
راولپنڈی سٹیڈیم میں کھیلے گئے فائنل میں سری لنکا نے پاکستان کو جیت کے لیے 115 رنز کا ہدف دیا تھا جو اس نے 8 گیندیں باقی رہ کر حاصل کر لیا۔
مزید پڑھیں:عمرانخان سے ملاقات :نورین نیازی کے انٹرویوز نے نئی بحث چھیڑ دی
