اسلام آباد (اے بی این نیوز) اسلام آباد کی ڈسٹرکٹ اینڈ سیشن عدالتوں نے ایمان مزاری اور ہادی علی چٹھہ کے خلاف متنازع ٹویٹ کیس میں ہادی علی چٹھہ کی بریت کی درخواست خارج کر دی۔
ایڈیشنل ڈسٹرکٹ اینڈ سیشن جج محمد افضل مجوکا نے ہادی علی چٹھہ کی بریت کی درخواست پر محفوظ کیا گیا فیصلہ سناتے ہوئے یہ احکامات جاری کئے۔
معروف قانون دان ایمان مزاری اور ہادی علی چٹھہ کے خلاف متنازع ٹویٹ کیس آخری مرحلے میں داخل ہو گیا ہے اور سٹیٹ کونسل نے استغاثہ کے تمام گواہوں پر جرح مکمل کر لی ہے۔
عدالت نے سٹیٹ کونسل کو 342 کا سوالنامہ فراہم کرنے کی ہدایت کی اور جج افضل مجوکا نے سٹیٹ کونسل سے استفسار کیا کہ سوالنامہ آپ کو دیا جا رہا ہے آپ جواب جمع کرائیں، اگر ملزمان جواب نہیں دیتے تو آپ کو جواب دینا ہوگا۔
عدالت نے ایمان مزاری اور ہادی علی چٹھہ کے متنازعہ ٹویٹ کیس کی سماعت 4 دسمبر تک ملتوی کرتے ہوئے استغاثہ کو 342 سوالنامہ 4 دسمبر کو جمع کرانے کی ہدایت کر دی۔
مزید پڑھیں:سہ ملکی سیریز کا فائنل:سری لنکا نے پاکستان کو 115 رنز کا آسان ہدف دیدیا
