جھنگ (اے بی این نیوز) نامعلوم مسلح افراد کی فائرنگ سے بار کے سابق صدر سمیت 3 افراد جاں بحق ہوگئے۔ آئی جی پنجاب نے واقعہ کا نوٹس لیتے ہوئے آر پی او سے فوری رپورٹ طلب کر لی۔
جھنگ میں گوجرہ روڈ کے قریب بار کے سابق صدر منیر سادھنا گھر سے نکلے تو راستے میں دو مسلح موٹر سائیکل سواروں نے ان کی گاڑی پر اندھا دھند فائرنگ کردی جس کے نتیجے میں بار کے سابق صدر منیر سادھنا ڈرائیور سمیت جاں بحق ہوگئے۔ جبکہ دو وکلا زخمی بھی ہوئے۔ ان میں سے ایک ہسپتال لے جاتے ہوئے دم توڑ گیا۔ جبکہ ایک زخمی ڈی ایچ کیو ہسپتال میں زیر علاج ہے۔
پولیس کے مطابق واقعہ پرانی دشمنی معلوم ہوتا ہے تاہم اس کی تحقیقات کر رہے ہیں۔ ڈی پی او بلال افتخار کیانی نے کہا کہ ملزمان کو جلد گرفتار کر کے انصاف کے کٹہرے میں لایا جائے گا۔ دوسری جانب قانونی برادری میں شدید غم و غصہ پایا جاتا ہے۔
مزید پڑھیں:بار بار چالان کرنے والوں کی گاڑیاں نیلام ہوں گی
