اسلام آباد (اے بی این نیوز) فیڈرل بورڈ آف ریونیو (ایف بی آر) نومبر میں ٹیکس وصولی کا ہدف حاصل کرنے میں ناکام رہا۔
ایف بی آر ذرائع کے مطابق نومبر میں 1034 ارب روپے کے ہدف کے مقابلے میں 878 ارب روپے ٹیکس وصولی ہوئی، نومبر میں ٹیکس وصولی کا شارٹ فال 156 ارب روپے رہا۔
ذرائع کا کہنا ہے کہ ایف بی آر کے دفاتر آج کھلے رہیں گے، ایک دن میں شارٹ فال میں تقریباً پانچ ارب روپے کی کمی متوقع ہے۔
ایف بی آر کے مطابق دسمبر کے لیے ٹیکس وصولی کا ہدف 1406 ارب روپے ہے۔ رواں مالی سال کے پہلے 5 ماہ میں ٹیکس وصولی 5 ہزار 83 ارب روپے کے ہدف کے مقابلے میں 4715 ارب روپے رہی۔
ایف بی آر ذرائع کا کہنا ہے کہ رواں مالی سال کے پہلے 5 ماہ میں مجموعی طور پر 413 ارب روپے کا شارٹ فال ہے۔
مزید پڑھیں:قاری ایمن رضوان انٹرنیشنل قراّت مقابلے کے فاتح قرار
