لاہور (اے بی این نیوز) انسداد دہشت گردی کی خصوصی عدالت نے تھانہ مغل پورہ کی حدود میں 9 مئی کو جلاؤ گھیراؤ اور توڑ پھوڑ کیس میں پی ٹی آئی رہنما ڈاکٹر یاسمین راشد کی ضمانت منظور کر لی۔
انسداد دہشت گردی کی عدالت کے جج منظر علی گل نے کوٹ لکھپت جیل میں یاسمین راشد کی درخواست ضمانت پر سماعت کی۔
یاسمین راشد کے وکلا نے موقف اختیار کیا کہ اسی کیس میں اعجاز چوہدری سمیت دیگر ملزمان کی ضمانتیں ہو چکی ہیں۔
عدالت نے ریکارڈ کا جائزہ لینے اور وکلا کے دلائل سننے کے بعد درخواست ضمانت منظور کر لی۔
ڈاکٹر یاسمین راشد کو 9 مئی کو تین مقدمات میں دس سال قید کی سزا سنائی گئی ہے جب کہ تین مقدمات میں درخواست ضمانت پر 27 نومبر کو کارروائی ہوگی۔یاسمین راشد کو جناح ہاؤس حملہ کیس میں بری کر دیا گیا ہے۔
مزید پڑھیں:امریکی کارگو طیارے کے حادثے کی نئی تفصیلات سامنے آگئیں
