اسلام آباد ( اوصاف نیوز) آزاد کشمیر قانون ساز اسمبلی میں اندرون خانہ تبدیلی کی کوششوں کے پیش نظر پاکستان پیپلز پارٹی نے آزاد کشمیر کے نئے وزیر اعظم کے لیے چوہدری یاسین کا نام فائنل کر لیا ہے۔
ذرائع کے مطابق چوہدری یاسین کے نام کا حتمی فیصلہ پیپلز پارٹی کے چیئرمین بلاول بھٹو زرداری کی زیر صدارت اسلام آباد میں ہونے والے اجلاس میں کیا گیا جس میں پیپلز پارٹی آزاد کشمیر کی قیادت بھی موجود تھی۔
ملاقات میں آزاد کشمیر کی موجودہ سیاسی صورتحال اور اندرون ملک تبدیلی کے امکانات پر تفصیلی تبادلہ خیال کیا گیا۔
ذرائع کا کہنا ہے کہ پیپلز پارٹی وزارت عظمیٰ کے لیے چار ناموں پر غور کر رہی تھی جن میں چوہدری یاسین، لطیف اکبر، فیصل ممتاز راٹھور اور سردار یعقوب کے نام شامل ہیں۔
چیئرمین بلاول بھٹو زرداری نے مشاورت کے بعد چوہدری یاسین کے نام کی حتمی منظوری دے دی۔
پارٹی ذرائع کے مطابق پیپلز پارٹی کی جانب سے نئے قائد ایوان کے نام کا باقاعدہ اعلان آج رات تک متوقع ہے۔
مزیدپڑھیں:صدر آزادکشمیر کےساتھ پیپلزپارٹی کے معاملات طے پا گئے
